司徒法正師傅搞種生基talk變套料大會-東週刊(2009-10-21)

司徒法正師傅搞種生基talk變套料大會

龔如心千億遺產爭奪案，未知鹿死誰手，但華懋慈善基金的風水專家證人司徒法正，肯定已成為大贏家。他出庭作供後人氣急升，海洋公園以至啤酒商都找他做代言人，他所拍的電影《怪談》又大收旺場，最新搞作是將種生基「平民化」。

上周日，司徒法正在粉嶺皇帝祠開種生基免費講座，名額只限一百人，但結果有七百幾人來捧場，現場擠得水洩不通。他見大家山長水遠入到粉嶺，不想太掃興，臨時加開一場，皆大歡喜。
參加者對種生基固然有興趣，但更多人關心爭產案內情，不斷向司徒法正窮追猛打，「女富豪混混沌沌咁鍾意一個人，係咪畀人落了降頭」、「華懋總部有甚麼邪門風水陣」、「在停車場挖幾個洞就收幾億元，做風水師好發喔」。

風水講座變成套料大會，司徒法正始料不及，惟有笑笑口打圓場：「我身份太敏感，案情不可以講，只可以話你們知，搵我種生基肯定唔使過億元，除非加埋按摩，咁就另計！」

*轉載 東週刊(2009-10-21)