罔顧觀眾喜好, 批有線高層摺埋怪談 司徒法正自資開拍怪談!
去年除了周秀娜外，突然彈起受萬人敬仰的，還有為龔如心千億遗產案出任風水證人的司徒法正師傅，此役令他成為案件大赢家，銀紙滚滚來。
不過．就算師傅在事業上不斷「大顯威靈」，亦無助出道節目起死回生，在有線播放十年的靈異節目《怪談》，终於上月尾神秘摺埋，對一手湊大的「親生仔」突然壽終正寢，一直笑笑口的司徒法正即收起笑容，眼泛淚光埋怨地說：「有人就個人喜好話cut就cut，對有線係好大損失囖。」
自司徒法正出任風水證人後即成為種生基權威，人氣如火箭般急升，接連殺入大銀幕，又為商品做代言人，甚至去新加坡拍劇，最新力作就是推出平民版種生基套餐，奉獻$8,800即保你平安兼財運亨通，信眾一呼百應，令師傅大收旺場。
愛之深責之切
不過，視《怪談》為親生仔的司徒法正，對節目摺埋滿腔埋怨，更暗示從徐小明手中接掌娛樂台的有線娛樂台執行董事胡容卿罔顧觀眾喜好，話cut就cut.
「我好愛呢個節目，因為佢好有人情味同有血有淚。節目曾經去超度南亞海啸嘅死者，又去大馬為被虐殺的小盈瀛招魂，唔好覺得一講鬼神就係代表迷信，我做咗《怪談》10年，睇住佢由幾千變到超過200萬觀眾。擁躉遍佈東南亞，但自從有線有新領導人上場，佢有自己嘅發展方針，認為節目係導人迷信，所以有人就以個人喜好，盲目將節目大改，最後仲取消埋。就市場學嚟講係好唔正常，亦令我同觀眾都覺得一頭霧水。」
「我好愛呢個節目，因為佢好有人情味同有血有淚。節目曾經去超度南亞海啸嘅死者，又去大馬為被虐殺的小盈瀛招魂，唔好覺得一講鬼神就係代表迷信，我做咗《怪談》10年，睇住佢由幾千變到超過200萬觀眾。擁躉遍佈東南亞，但自從有線有新領導人上場，佢有自己嘅發展方針，認為節目係導人迷信，所以有人就以個人喜好，盲目將節目大改，最後仲取消埋。就市場學嚟講係好唔正常，亦令我同觀眾都覺得一頭霧水。」
怪談復活闖内地
所謂人棄我取，因為觀眾及網友支持。司徒法正決定自資開拍《怪談》，司徒法正系列去撫慰一眾《怪談)》迷，「我唔係咩有錢人．所以投資唔多，我知道好多觀眾鍾意睇鬼神同靈探，所以已計劃新《怪談》會以玄學同靈異作為節目重心，更會踏足更多國家去發掘新題材，甚至會變奏出另一個探討版本帶去内地播放。我可以講，内容一定較之前更精采同豐富。」
問到滿腹大計的他點睇遺產案結果?他認真地說：「假若佢(陳振聰)真係好有運氣攞到(遺產)，我覺得好似冇乜天理囉。」
No comments:
Post a Comment